Home მედიცინა როგორ ავარიდოთ თავი სეზონურ დაავადებას და როგორ ვიხსნათ შვილები ინფექციებისგან? – პედიატრ...

როგორ ავარიდოთ თავი სეზონურ დაავადებას და როგორ ვიხსნათ შვილები ინფექციებისგან? – პედიატრ კომაროვსკის რჩევები

514
SHARE

გთავაზობთ  პედიატრ ევგენი კომაროვსკის რჩევებს, თუ როგორ აარიდოთ თავი სეზონურ დაავადებას და იხსნათ შვილები ინფექციებისგან.

ნაკლები ხალხი — ნაკლები ვირუსი. უფრთხილდით ხალხმრავალ ადგილებს;

ღია ცის ქვეშ ვირუსების კონცენტრაცია ათასჯერ ნაკლებია, ვიდრე ნებისმიერ დახურულ სივრცესა და შენობაში — იქნება ეს ბინა, საკლასო ოთახი თუ მეტროს ვაგონი. ამიტომ როცა სადმე მიდიხართ, კარგად გაიაზრეთ, აუცილებელია კი თქვენი იქ წასვლა?

რაც უფრო ახლოს დგახართ ადამიანთან, მით მეტია ავადმყოფობის გადადების შანსი. ამიტომ დაიკავეთ დისტანცია;

თუ დაინახეთ (ან გაიგონეთ), რომ ადამიანს მწვავე რესპირატორული ინფექციის ნიშნები აქვს, ანუ ახველებს, აცემინებს, ცხვირში გაჭედილია და ა.შ. — მაშინვე მაქსიმალური მანძილით დაშორდით მას;

ავადმყოფის ხელები ინფექციის წყაროა. ნუ ჩამოართმევთ ხელს ნურავის. აუცილებლად ჩაიცვით ხელთათმანები, თუ საზოგადოებრივ ტრანსპორტში სახელურზე მოჭიდება გიწევთ;

ვირუსის „აკიდების“ყველაზე მაღალი შანსი იქაა, სადაც ბევრი ბავშვი ან ავადმყოფი იყრის თავს. ამიტომ გამოიჩინეთ მაქსიმალური სიფრთხილე ბავშვთა კლინიკებში ვიზიტისას;

ვირუსის ნაწილაკები მტვრიან, მშრალ, თბილ და დამდგარ ჰაერში რამდენიმე საათის კი არა, რამდენიმე დღის განმავლობაშიც კი ინარჩუნებენ აქტიურობას. ხოლო სუფთა, გრილ, ნოტიო და მოძრავ ჰაერზე წამიერად იღუპებიან. ამიტომ: ნუ დააცხუნებთ! დაატენიანეთ! გაანიავეთ!

საცხოვრებელში ჰაერის ოპტიმალური ტემპერატურა არის 16–22°С, ტენიანობა — 40–70%. თუ შეგცივდათ, ჩაიცვით;

ხშირად დაიბანეთ ხელები. თუ ამის შესაძლებლობა არ არის, გამოიყენეთ სველი, ჰიგიენური, მადეზინფიცირებელი ხელსახოცი;

დაიტენიანეთ სასუნთქი გზების ლორწოვანი გარსი. შეისხურეთ ცხვირში მარილწყალზე დამზადებული წვეთები ან აეროზოლები. სიხშირე დამოკიდებულია ადამიანების რაოდენობაზე თქვენს ირგვლივ. ანუ, რაც მეტია ხალხი, მით მეტჯერ ისხურებთ წვეთებსა თუ აეროზოლს. გარდა ამისა, გამოივლეთ პირში ჩვეულებრივი წყალი. მარილის მარტივი ხსნარი თავად შეგიძლიათ დაამზადოთ: 1 ჩაის კოვზი მარილი 1 ლ ადუღებულ წყალზე.

გახსოვდეთ:

  • ნიღაბი ვერ იხსნის ჯანმრთელ ადამიანს და მან ის არ უნდა ატაროს. ნიღაბი უნდა გაიკეთოს ავადმყოფმა, რათა ვირუსი სხვებს არ გადასდოს;
  • წამალი, რომელიც მწვავე რესპირატორულ ინფექციებს შეამცირებს, არ არსებობს;
  • მწვავე რესპირატორულ ინფექციებს ამცირებს სრულფასოვანი კვება, აქტიური ცხოვრება, კარგი ძილი, ღიმილი და კარგი განწყობა!
Banner 5

LEAVE A REPLY

Please enter your comment!
Please enter your name here