Home კვება სატაცური ანუ ასპარაგუსი – რომელი ასაკიდან და რა სახით შევთავაზოთ ის ბავშვს

სატაცური ანუ ასპარაგუსი – რომელი ასაკიდან და რა სახით შევთავაზოთ ის ბავშვს

89
SHARE

ბავშვის ჯანსაღი კვება ნებისმიერი მშობლის მთავარი საზრუნავია. ეს კი ხილისა და ბოსტნეულის გარეშე წარმოუდგენელია. ცნობილი პედიატრი, მედიცინის დოქტორი თამარ ობგაიძე ამჯერად სატაცურის თვისებებსა და მომზადების შესახებ გვიამბობს:

“ვარაუდობენ, რომ ამ მცენარეს ადამიანთან სამიათას წლიანი ისტორია აკავშირებს.
ძველეგვიპტურ სურათებზე ხშირად ჩანს მისი გამოსახულება. ძველი ბერძნები მისი ტოტებით აფროდიტეს ქანადკებას ამკობდნენ, ახლადდაქორწინებულთა სარეცელს რთავდნენ, რაც მათი აზრით, ნაყოფიერებას და ოჯახის ბდნიერებას უწყობდა ხელს.
შუა საუკუნეებში ევროპაში აფროდიზიაკად მონათლეს და ეკლესიამ მისი საკვებად გამოყენება აკრძალა. თუმცა შემდეგ მთელ მსოფლიოში გავრცელდა და მრავალი ქვეყნის სამზარეულოში დაიკვიდრა ადგილი, როგორც ერთ-ერთმა ყველაზე სასარგებლო ბოსტნეულმა.
დღეს სატაცურზე მოგითხრობთ.
საკვებად მისი 2 ფორმა გამოიყენება – თეთრი და მწვანე, ეს უკანასკენლი ფართოდაა გავრცელებული მსოფლიოში.

რატომ არის სასარგებლო სატაცური?

 

  • სატაცური მდიდარია A, B, C, PP ვიტამინებით.
  • შეიცავს დიდი რაოდენობით ამინომჟავებს, რაც აუცილებელია ცილების სინთეზისათვის. შეგახსენებთ, ცილები უჯერდების მთავარი საშენი მასალაა და აუცილებელია მზარდი ორგანიზისათვის. სხვათაშორის, სწორედ ასპარაგუსის წვენიდან გამოყვეს პირველად ცილა ასპარაგინი.
  • შეიცავს დიდი რაოდენობით ფოსფორს და კალციუმს, რაც მნიშვნელოვანია ბავშვის ძვლოვანი ქსოვილის განვითარებისათვის.
  • შეიცავს ქლოროფილს, რაც განსაკუთრებით სასარგებლოა სისხლწარმოქმნისათვის.
  • შეიცავს უჯრედისს და ხელს უწყობს ნაწლავთა მოქმედებას, სასარგებლოა შეკრულობის პროფილაქტიკია და მკურნალობისათვის.
  • აქვს მსუბუქი შარდმდენი ეფექტი, ხელს უწყობს
    • შარდოვანას, ნიტრატების, თავისუფალი რადიკალების გამოდევნას ორგანიზმიდან, რის გამოც აქტიურად გამოიყენება ონკოლოგიური დაავადებების პოფილქტკისათვის,
    • სასარგებლოა საშარდე და გულ-სისხლძარღვთა დაავადებების დროს. შეუცვლელია ორგანიზმის გამწმენდი დიეტების შემადგენლობაში.

    როგორ ავარჩიოთ სატაცური?

    1. მიაქციეთ ყურადღება, რომ სატაცუირის ღეროები იყოს მყარი, გადატეხვისას ტკაცუნა.
    2. შეარჩიეთ დაახლოებით 15-18 სმ სიგრძის ღეროები
    3. ღეროს ბოლოში არსებული ყვავილოვანი წანაზარდები არ უნდა იყოს რბილი.
    4. ღეროები უნდა იყოს მტვრევადი, 15-18 სმ სიგრძის
    5. სატაცური ინახება მაცივარში, სჯობს შეახვიოთ სუფთა ნოტიო ტილოში და ასე შეინახოთ არაუმეტეს 2 დღისა.

    რა ასაკიდან შეიძლება შევთავაზოთ ბავშვს სატაცური?

    სატაცურის შეტანა ჩვილის რაციონში დასაშვებია 9-10 თვიდან.
    ყოველდღიურ რაციონში მისი ჩართვა რეკომენდებული არ არის, რადგან სატაცურს შეუძლია გამოიწვიოს გაზების დაგროვება და დისკომფორტი შეუქმნას პატარა მუცელს, გარდა ამისა, დიდი რაოდენობით სატაცურის მიღება ორგანიზმში მჟაუნმაჟავა მარილების დაგროვებას იწვევს.
    სისტემატური გამოყენებისას შეიძლება შენიშნოთ შარდის გამუქება და სპეციფიური სუნი.

    როგორ მოვამზადოთ სატაცური?

    1. გარეცხეთ სატაცური. მოათავსეთ ქვაბში ისე, რომ ვიტამინებით განაკუთრებით მდიდარი “ყვავილებიანი” თავები წყლის ზემოთ დარჩეს და ორთქლზე მოიხარშოს.
    2. საკმარისია ხარშვა 10 წუთის განმავლობაში. ხანგრძლივი ხარშვა სატაცურს ზედმეტად დაარბილებს და სასარგებლო ნივთიერებებს დაშლის.
    3. მოხარშული ღეროები დაჭერით, მოათავსეთ ბლენდერში და აქციეთ ერთგვაროვან მასად, დაუმატეთ დედის რძე ან ხელოვნური ნარევი, 1 ჩაის კოვზი ზეითუნის ზეთი.
    4. პიურეს შეგძლიათ დაუმატოთ მოხარშული ქათმის ხორცი.
    5. მოზრდილი ბავშვისათვის სატაცურის მოსახარშ წყალში ჩაუმატეთ ლიმონის წვენი, რაც მას განსაკუთრებულ არომატს მისცემს.
    6. მოხარშვის შემდეგ ღეროებს ცივი წყალი გადაავლეთ -ასე ღეროები ხასხასა ფერსაც შეინარჩუნებენ.
Banner 5
SHARE

LEAVE A REPLY

Please enter your comment!
Please enter your name here