Home სიახლე ქართული ცეკვის ბავშვთა ანსამბლი „გორდა“ ისრაელში არ შეუშვეს

ქართული ცეკვის ბავშვთა ანსამბლი „გორდა“ ისრაელში არ შეუშვეს

292
SHARE

ქართული ცეკვის ბავშვთა ანსამბლი „გორდა“ ისრაელში არ შეუშვეს. 17-კაციანი ჯგუფი ამ დროისთვის აეროპორტის სადეპორტაციო განყოფილებაშია.

სადეპორტაციო განყოფილებაშ მყოფებს შორის 5 ბავშვია. ანსამბლი „გორდა“ ისრაელში კონცერტის ჩასატარებლად და იქ მიმდინარე ერთ-ერთ ფესტივალში მონაწილეობისთვის მიემგზავრებოდნენ.

საქართველოს საგარეო საქმეთა სამინისტროს განმარტებით, 14 აპრილს ისრაელის საზღვრის დაცვის სამსახურიდან საქართველოს საკონსულოში ინფორმაცია შევიდა, საზღვარზე შემოწმების მიზნით, ანსამბლის 17-კაციანი ჯგუფის შეფერხების შესახებ. მესაზღვრეებისთვის საეჭვო ის გარემოება გახდა, რომ ანსამბლი საბავშვო ფესტივალზე მონაწილეობისთვის მიდოდა, თუმცა 17 წევრიდან ბავშვი მხოლოდ 5 იყო.

შესაბამისად, საგარეო უწყების ცნობით, მათ უარი ეთქვათ საზღვრის კვეთაზე. საქართველოს კონსული ჯგუფის ხელმძღვანელს ესაუბრა. ისრაელის მხარე, იმის გათვალისწინებით, რომ ჯგუფის შემადგენლობაში ბავშვები იყვნენ, თანახმა იყო მიეცათ შესაძლებლობა საქართველოს მოქალაქეებისთვის რომ სამშობლოში დასაბრუნებლად ბილეთები უახლოეს რეისზე ეყიდათ, თუმცა მშობლებმა ეს შეთავაზება არ მიიღეს. კონსული საქართველოს მოქალაქეების მოსანახულებლად უკვე გაემგზავრა.

 

 

Banner 5

LEAVE A REPLY

Please enter your comment!
Please enter your name here