Home სხვადასხვა “როგორ დავიცვათ პატარები მწერებისაგან”- პედიატრის სასარგებლო რჩევები

“როგორ დავიცვათ პატარები მწერებისაგან”- პედიატრის სასარგებლო რჩევები

180
SHARE

“როგორ უნდა დავიცვათ პატარები მწერებისაგან და რა გავაკეთოთ მწერის კბენის შემდეგ”,- პედიატრი თამარ ობგაიძე საჭირო რჩევებს, საკუთარ facebook-ის გვერდზე გვიზიარებს.

“ზაფხული მოვიდა და მასთან ერთად აქტუალური გახდა საზაფხულო პრობლემებიც.

დღეს მწერებზე ვისაუბრებთ, რომელთა ნაკბენს დისკომფორტის გარდა სერიოზული დაავადებაც შეიძლება მოჰყვეს.

კოღოებიდან გამოვყოთ ანოფელისი, რომელსაც მალარიის გამომწვევი გადააქვს, და ფლებოტომუსი, რომელიც ლეიშმანიოზის გამომწვევის გადამტანია.

რწყილებსა და ტკიპებს მძიმე ბაქტერიული და ვირუსული ინფექციები გადააქვთ. ამ პარაზიტებთან კონტაქტი შესაძლოა შინაურ ცხოველებთან ურთიერთობისას, ასევე ტყეებსა და მინდვრებში სეირნობისას მოხდეს.

მწერების ნაკბენს ადგილობრივი რეაქციების გარდა შესაძლოა მძიმე ალერგიული რეაქციაც მოჰყვეს.

რა გავაკეთოთ მწერის კბენის შემდეგ?

ნაკბენზე პატარას ყინული ან ცივი კომპრესი დაადეთ.

ძლიერი ქავილისას ექიმთან შეთანხმებით ქავილისა და შეშუპებისსაწინააღმდევო მალამო შეგიძლიათ გამოიყენოთ.

ნესტრიანი მწერის კბენის ან კანზე ტკიპას აღმოჩენისას ნუ ეცდებით ნესტარი დანით მოაცილოთ ან ტკიპა ძალით ააძროთ, პირიქით, შესაძლებელია ტკიპას ხორთუმი კანში ჩატოვოთ.

ნაკბენზე ზეთში დასველებული საფენი დაადეთ და შემდეგ ნესტარი ან ტკიპა ფრთხილად მოაცილეთ.

როგორ დავიცვათ თავი მწერებისგან?

ნუ ასეირნებთ პატარას გარეთ შებინდების შემდეგ, რადგან კოღოები სწორედ ამ დროს აქტიურდებიან.

ტყეებში და მინდვრებში გასვლისას სხეული სჯობს სრულად იყოს დაფარული სამოსით.

საღამოს ნუ აანთებთ ოთახში სინათლეს, თუ ფანჯრები ღიას ან ბადით არაა დაცული.

აუცილებლად გამოიყენეთ ბადეები ფანჯრებზე.

თუ ირგვლივ ბევრი მწერია, გამოიყენეთ რეპელენტები, თუმცა შემდეგ ოთახი გაანიავეთ.

არასოდეს გამოიყენოთ მწერებთან საბრძოლველად ის საშუალებები, რაც შინაური ცხოველებისათვისაა განკუთვნილი. ისინი სერიოზულ საფრთხეს უქმნიან ბავშვის ჯანმრთელობას!

თუ კბენის შემდეგ სუნთქვის გაძნელება, ძლიერი შეშუპება, ყლაპვისვგაძნელება, თავბრუსხვევა, გამონაყარი შენიშნეთ, სასწრაფოდ მიმართეთ ექიმს”, – წერს თამარ ობგაიძე.

Banner 5

LEAVE A REPLY

Please enter your comment!
Please enter your name here